KALIBO, Aklan, Oktubre 23 (PIA) - - - Si Pangueong Rodrigo Roa Duterte hay nag pabatyag ku anang kalipay hanungod sa balita nga amat-amat nga naga nami ro atong sitwasyon o kahimtangan parte sa COVID-19 sa big nga nasyon bagod sa agresibong pag-sabat ku atong ahensya it gobyerno nasyonal ay imaw man ro aktibong partisipasyon ku mga local nga pamunuan o kon Local Government Units (LGUs).
“Nalipay gid ako nga may ona nga pag-improbar sa tanan nga aspeto, ku atong away kontra sa COVID-19 ngara,” hambae ni Pangueong Duterte .
“Buot singhanon nga naga trabaho gid kita, naga amat-amat it pangibabaw, tanan hay naga himakas ag naga pahueas sa trabaho ngara. Gina pasaeamatan ko gid kamo. Kamo ro mga miyembro it gabinete sa sobra-sobra eon ro trabaho,” hambae ku Presidente.
Suno sa report ni Carlito Galvez, Jr., Chief Implementer it National Action Plan Against COVID-19 , nakit-an nga may pag-naba gid man ku inpeksyon nga dueor it COVID-19 sa National Capital Region, Calabarzon ag Central Luzon.
Ro nakita nga pag-naba ku kaso it COVID-19 hay bangod sa hugot nga koordinasyon sa tunga ku nasyonal nga ahensya it gobyerno ag mga LGUs,
suno kay Galvez.
Pero may una pa gid nga dapat hugtan sa pag monitor nga mga lugar, parehas ku Isabela, Baguio city ag pilang nga mga ka probinsyahanan sa
Mindanao eabi eon gid ro Tawi-Tawi nga maeapit sa Saba, Malaysia kung siin may outbreak ro pandemya, hambae nana.
Ku Lunes, ro Department of Helth hay nag report nga may aton nga 2,638 nga bag-ong kaso it COVID-19 kung siin nag dugang sa kabilugan nga
kaso sa Pilipinas sa 359,169 nga kaso. (JBG/JERR)
source https://pia.gov.ph/news/articles/1056776
Comments
Post a Comment
Please note: Your comment may or may not appear immediately. Please do not submit it twice! Certain words may trigger a spam filtering delay. Please refrain from profanity; inappropriate comments may be deleted by the author's sole discretion.