Cebuano News: GSIS, nagtugot na karon sa online reporting sa mga pensioners

TAGBILARAN CITY, Aug. 11 (PIA) -- Gitugot na karon sa Government Service Insurance System (GSIS) ang online reporting sa mga pensioners isip alternatibong paagi sa tinuig nga personal appearance requirement o Annual Pensioners Information Revalidation (APIR).

Kini ang gipahibalo karong adlawa, Agosto 11 ni GSIS President ug General Manager Rolando Ledesma Macasaet diin matud pa niini nga ang mga pensioners mahimo nang mo-report sa ilang buhatan pinaagi sa Viber, Facebook Messenger, Skype o Zoom human nila ma-email ang mga gikinahanglang dokumento sa APIR.

“Pensioners may report to GSIS through Viber, Facebook (FB) Messenger, Skype or Zoom after they have emailed the requirements for APIR. This contactless method will protect them from possible COVID-19 transmission as well as ensure the continuous receipt of their pension,” matud pa ni Macasaet.

Ang online APIR, dugang pa sa ubang mga kapiliang paagi nga gihatag sa mga pensioners sa pagsunod sa annual reporting ngadto sa GSIS.

Ang ubang mga pamaagi mao ang APIR pinaagi sa GWAPS kiosk, personal appearance, ug home visit.

Apan sa pagkakaron, gisuspendir una ang pagbisita sa mga panimalay tungod sa mga gidili sa kwarantina.

“Complying with online APIR is simple and easy. On their birth month, pensioners must email only two documents to GSIS: a letter requesting GSIS to activate their status and a photo of their Unified Multi-Purpose ID (UMID) or temporary eCard, or, in the absence of both, two valid IDs. The letter must indicate the date of request and the pensioner’s complete name, address, contact number and signature. Surviving spouses, however, have to email a self-declaration that they have not remarried or cohabited with another person. The form is downloadable in our website, www.gsis.gov.ph. In the same manner, permanent disability pensioners must submit the original copy of the annual Medical Progress Report,” pasabot pa ni Macasaet.

Kinahanglang ipadala pinaagi sa email ang mga dokumento sa mga pensioners sa mga e-mail address sa hingtungdang buhatan sa GSIS.

Ang listahan sa mga email address sa main ug branch offices nakalista sa GSIS website nga www.gsis.gov.ph.

Tulo ka adlaw human madawat ang request, ang GSIS mo-email isip acknowledgement letter ngadto sa pensioner.

Ang GSIS mopahibalo usab sa pensioner sa mga detalye sa interview apil na ang petsa, oras ug social media application o video conferencing software nga gamiton sa pag-interview sa GSIS.

Hatagan ang pensioners og opsyon nga kapilian sa videoconferencing mode nga ilang gusto – Viber, FB Messenger, Skype o Zoom.

Ang mga pensioners nga kwalipikado sa milestone benefits – P20,000 sa ilang ika-90 nga birthday; P30,000 sa ika-95 nga birthday; ug P50,000 sa ika-100 nga birthday – mahimo usab mo-apply sa iyang benepisyo pinaagi sa online.

Ang online APIR susamang gi-rekomendar sa mga pensioners nga ginabisita kaniadto sa ilang balay matag tuig tungod sa katiguwangon na (80 anyos pataas), sickness, disability o ubang health issues nga naka-apekto sa ilang paglihok.

Ang mga pensioners ug ubang indibidwal nga adunay dugang pangutana kalabot sa online APIR mahimong mobisita sa GSIS website nga www.gsis.gov.ph; GSIS Facebook Page nga Government Service Insurance System; o motawag sa GSIS Contact Center 1-800-8-847-4747 (alang sa Globe ug TM subscribers) ug 1-800-10-847-4747 (alang sa  Smart, Sun, ug Talk ‘N Text subscribers). (ecb/PIA7-Bohol)

source https://pia.gov.ph/news/articles/1050060